Aprobado case un millón de euros para o 'Plan Concellos' da Deputación de Pontevedra que beneficiará a seis municipios
Así mesmo, dáse luz verde á contratación de 64 traballadores na Estrada, Moaña e Ribadumia, por un total de 722.122 euros.
Por E.P. | SANTIAGO DE COMPOSTELA | 10/03/2021 | Actualizada ás 18:51
A Deputación de Pontevedra aprobou novas achegas no marco do 'Plan Concellos' e que ascenden a 997.619 euros, das que se beneficiarán un total de seis municipios. En concreto, 228.362 euros destínanse a accións de rehabilitación de pavimentos en camiños rurais de Marín; 25.625 euros para habilitar aseos adaptados no mercado de abastos de Salceda e 1.510 euros para a mellora de seguridade nunha vía de Barro.
Así mesmo, dáse luz verde á contratación de 64 traballadores na Estrada, Moaña e Ribadumia, por un total de 722.122 euros. Doutra banda, a institución provincial destacou o novo recoñecemento ao audiovisual 'Fame de experiencias, co que se promoveu o destino turístico de Pontevedra en 2019, por parte do Festival de Turismo Mundial de Kioto, en Xapón.
A presidenta provincial, Carmela Silva, destacou que son xa catorce os premios internacionais desta peza, e trasladou o "orgullo" de formar parte dun certame de entre máis de 1.300 participantes, á beira de destinos como Bali, Thailandia ou Grecia.
Doutra banda, a Deputación será este ano a anfitrioa do Premio Otero Pedrayo, que organizan o catro entidades provinciais e a Xunta de Galicia. O prazo de presentación de candidaturas estará aberto ata o 8 de xuño.
