Volve a subir o número de falecidos con covid, cinco nos últimos dous días

A Consellería de Sanidade comunicou este xoves a morte de cinco persoas con coronavirus en Galicia. De tal forma, o total de falecidos elévase a 2.289 desde o comezo da pandemia.

O cinco persoas contaban con patoloxías previas. Dous dos óbitos producíronse o 10 de marzo, trátase de dúas mulleres de 77 anos (no CHUF de Ferrol) e de 88 anos (no Chuvi de Vigo).

As outras tres defuncións tiveron lugar este xoves, 11 de marzo. Son tres homes: de 79 anos (no Chuac da Coruña), de 86 anos (no Chuvi) e de 87 anos (no CHUF).

Unha profesional sanitaria, nun dispositivo de vacinación contra a COVID-19 na Cidade da Cultura de Santiago de Compostela, A Coruña, Galicia (España), a 11 de marzo de 2021. Galicia iniciou hoxe a vacinación de persoas entre 50 e 55 anos cun. César Arxina - Europa Press | Fonte: Europa Press