O PSdeG chama a defender a democracia tras o ataque a unha sede de Podemos

Por E.P. | SANTIAGO DE COMPOSTELA | 02/04/2021 | Actualizada ás 18:19

Comparte esta noticia

O secretario xeral do PSdeG, Gonzalo Caballero, chamou a defender a democracia, a liberdade e a tolerancia fronte aos que "usan a violencia para atacar aos que pensan distinto".

Así o sinalou nunha mensaxe publicada a través do seu perfil da rede social Twitter, no que rexeita e condena o ataque con material explosivo a unha sede de Podemos en Cartaxena.

"Defendamos a democracia, a liberdade e a tolerancia fronte aos que usan a violencia para atacar aos que pensan distinto. Rexeitamos e condenamos totalmente os ataques de grupos de extrema dereita contra @Podemos hoxe en Cartaxena. Ningún tipo de fascismo. Así, non", apunta o texto publicado en galego.

O secretario xeral do PSdeG, Gonzalo Caballero, atende aos medios en Santiago de Compostela
O secretario xeral do PSdeG, Gonzalo Caballero, atende aos medios en Santiago de Compostela | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta