Por E.P. | Santiago de Compostela | 07/04/2021 | Actualizada ás 18:51
CIG alerta de que H&M pretende pechar tres tendas en Vigo, Ourense e Ferrol no marco do ERE anunciado pola empresa para todo o país.
Nun comunicado, carga contra o "salvaxe despedimento colectivo" anunciado o martes para todo o Estado, que afectará a un máximo de 1.100 empregados. Entre outras cuestións, H&M prevé o peche de 32 tendas.
A CIG chama a atención sobre o caso do establecemento de Ourense, situado na céntrica Rúa do Paseo, que vai clausurar a pesar de contar con beneficios.
Así, considera que é "absolutamente inxustificado" o peche da tenda en Ourense, na que traballan 18 persoas. A CIG avisa de que prepara mobilizacións e mantense en contacto cos traballadores para a súa organización.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.