A Xunta reforza a formación de inspectores para estender o rexistro salarial e os plans de igualdade
Por E.P. | SANTIAGO DE COMPOSTELA | 15/04/2021 | Actualizada ás 12:39
A Xunta reforzou a formación de inspectores e axentes sociais para estender o rexistro salarial e os plans de igualdade entre as empresas. Diso informou a Consellería de Emprego e Igualdade nun comunicado, no que destaca que a directora xeral de Relacións Laborais, Elena Mancha, inaugurou este xoves un novo curso de formación dirixido a inspectores de traballo en Galicia co foco posto no rexistro retributivo obrigatorio para todas as empresas que conten con asalariados.
A directora xeral, que manifestou a súa esperanzada de que con esta ferramenta se poida avanzar na efectiva igualdade laboral, mostrou o seu convencemento de que a entrada en vigor do rexistro salarial por sexos axude a garantir a igualdade de oportunidades e a efectividade do principio de retribución non diferenciada entre homes e mulleres.
A Xunta lembrou que ten a competencia para o rexistro público dos plans de igualdade desenvolvidos polas empresas galegas, dentro dos que se inclúe o rexistro e a auditoría retributiva. Ademais, indicou que levou a cabo un programa de especialización dirixido ao persoal encargado do devandito rexistro, co obxectivo de garantir que os plans presentados cumpran coa nova normativa.
