Por E.P. | A CORUÑA | 19/04/2021 | Actualizada ás 11:48
A Deputación da Coruña cedeu a súa colección de pezas de gaita á Asociación Triskell de Arteixo, coa intención de que pasen a formar parte dun museo, segundo informa a institución provincial.
A cesión realizouse en virtude do acordo asinado polo deputado de Cultura, Xurxo Couto, e o presidente da entidade de cultura tradicional, Roberto Mosquera. Á firma do convenio, asistiu tamén o músico e director do grupo de gaitas de Triskell, Bieito Romeu.
As pezas están asinadas polos principais talleres artesanais de gaitas galegos entre os que se atopan Seivane, Antón Curral, Paulino Pérez, Xesús López Bao ou Basilio Carril.
Agora, a asociación Triskell remitiraas ao seu artesán, Luís Rodríguez, "para que realice unha primeira análise técnica para daquela ser testados por músicos da agrupación, con Bieito Romeu na dirección e co obxectivo de realizar a súa restauración, de darse o caso", explica a institución provincial.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.