Feijóo e Jiménez Losantos
As declaracións efectuadas por Alberto Núñez Feijóo na Radio Galega ao respecto do Estatuto andaluz, que considerou "españolista", mereceron a resposta do sempre polémico conductor radiofónico Federico Jiménez Losantos, quen criticou duramente ao presidente dos populares galegos.
Por Galicia Confidencial | Galicia | 07/02/2007 | Actualizada ás 20:30
Ademáis, a páxina web Libertad Digital adicoulle a Feijóo o seu editorial, no que tampouco se cortaron un pelo en arremeter contra el, incluso pedíndolle a dimisión do PP.
Losantos xa chamara a Feijóo 'gallardonciño' e se preguntara 'de que escombrera ideológica' o tiña sacado Mariano Rajoy. Aínda así, despois dunha entrevista na que non lle sacudiu demasiado, no PP galego sorprendeulles os novos ataques de esta semana.
No PP cren que as críticas de Losantos poden desfavorecer a Feijóo, porque, aínda que non comparten a súa postura, recordan que "ten máis de 2 millóns de ointes" e non ven con bos ollos un enfrontamento.
De todos xeitos, parece que a cousa pode ir a peor porque desde a Cadena Cope xa lle teñen solicitado á Radio Galega a entrevista do pasado domingo, na que Feijóo falaba do Estatuto andaluz. Así que é previsible que nos próximos días La Mañana de Cope comece cun ataque a este novo perigo para a unidade de España.
