Por Europa Press / Redacción | MADRID | 04/05/2021 | Actualizada ás 13:43
A portavoz do Goberno, María Jesús Montero, asegurou que España está "en condicións" de vacinar contra o coronavirus ao 70 por cento da poboación no mes de agosto, grazas á "velocidade de cruceiro" que alcanzou a campaña de vacinación.
Na rolda de prensa posterior ao Consello de Ministros, Montero lembrou a "senda descendente" na que se sitúa a incidencia acumulada a 14 días na "maioría" das rexións de España, o que avala que a campaña de vacinación contra o Covid-19 está a obter "bos resultados".
Ata este luns administráronse 17.130.598 dose das vacinas contra a Covid-19, 766.003 delas durante a fin de semana. Isto representa o 97,3 por cento das distribuídas, que ascenden a 17.610.225 unidades. Ademais, 5.098.903 persoas recibiron xa a segunda dose a partir da cal se empeza a xerar inmunidade, e 12.162.359 persoas recibiron polo menos unha dose, o 25,6 por cento dos españois.
"Só no mes de abril vacináronse a máis persoas que nos tres meses anteriores. Estamos a agradecer o traballo que están a realizar os profesionais sanitarios para lograr cumprir co calendario de vacinación, e xa estamos en condicións de conseguir que o 70 por cento da poboación estea vacinada en agosto", resolveu a tamén ministra de Facenda.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.