Case o 20% da poboación galega ten a pauta de vacinación completa
O 92% dos maiores de 60 anos xa teñen administrada polo menos unha dose da vacina.
Por Europa Press / Redacción | SANTIAGO DE COMPOSTELA | 11/05/2021 | Actualizada ás 12:33
Galicia roza o millón de persoas vacinadas fronte á Covid-19 polo menos cunha dose, das que case 460.000 contan coa pauta completa tras ser administradas máis do 90 por cento das recibidas. Segundo os datos actualizados na mañá deste martes no 'Cronómetro de vacinación' pola Consellería de Sanidade cos rexistros da xornada de vacinación deste pasado luns, 459.904 persoas contan coa pauta de vacinación completa, que supoñen o 19,46 por cento da poboación a vacinar, 3.896 cidadáns máis inmunizados con respecto ao día anterior.
Ata a data administráronse no conxunto da Comunidade galega 1.446.751 dose, 17.165 máis que a xornada anterior, das 1.601.665 recibidas --124.020 máis que as almacenadas ata o día pasado--, que supoñen o 90,32 por cento.
En relación aos grupos de poboación vacinados, por condición de vulnerabilidade recibiron polo menos unha dose 12.407 persoas con condición de alto risco --175 máis fronte ao día anterior-- e 514 teñen a pauta completa --29 máis--. Polo seu lado, entre as persoas dependentes non institucionalizadas recibiron polo menos unha dose 16.771 --supoñen 307 máis-- e completaron a pauta de vacinaciónl un total de 13.967 --outros 1.085 máis--. En canto ás institucionalizadas --que se empezaron a vacinar o 27 de decembro do ano pasado--, 23.514 recibiron a primeira picada --12 máis-- e 22.869 contan coa pauta completa --29 máis--.
PROBABILIDADE DE EXPOSICIÓN
Pola súa banda, os vacinados en Galicia por probabilidade de exposición que recibiron polo menos unha dose alcanzan os 74.059 profesionais do ámbito sanitario --79 máis-- e 56.487 dos mesmos teñen a pauta completa --142 máis--. A eles súmanse 29.399 traballadores do ámbito socio-sanitario cunha dose --164 máis-- e 19.390 coa pauta completa --33 máis--. Pola súa banda, 60.996 traballadores esenciais recibiron polo menos unha dose da vacina --653 máis-- e 2.313 completaron o proceso --dous máis--.
GRUPOS DE IDADE
En total, segundo a idade, recibiron polo menos a primeira picada no conxunto de Galicia 779.722, que implican 12.675 máis que a xornada anterior, e contan coa pauta completa 344.360, que supoñen 2.577 máis.
Por grupos, ata a data foron vacinadas 129.089 maiores de 85 anos (+348); 94.780 persoas de 80 a 84 anos (+114); 130.603 de 75 a 79 anos (+155); 144.108 de 70 a 74 anos (+237); 145.555 de 65 a 69 anos (11.468); e 160.920 de 60 a 64 anos (+569). Isto eleva a 805.055 as persoas vacinadas maiores de 60 anos en toda Galicia, que supoñen o 92,43 por cento do total da poboación deste grupo susceptible de vacinar.
A elas engádense 43.280 persoas de 55 a 59 anos (+241); 38.450 de 50 a 54 anos (+157); 29.472 de 45 a 49 anos (+204); 26.584 de 40 a 44 anos (+183); 19.263 de 35 a 39 anos (+159); 15.477 de 30 a 34 anos (+103); 12.546 de 25 a 29 anos (+69); 6.137 de 20 a 24 anos (+50); 616 de 15 a 19 anos (+5) e unha de 10 a 14 anos.
Por iso, foron vacinadas ata o momento 996.881 persoas con polo menos unha dose en toda Galicia, que implican 14.062 máis que o día anterior, o que supón o 42,19 por cento da poboación susceptible de recibir a vacina contra este coronavirus.
