Por E.P. | Santiago de Compostela | 18/05/2021 | Actualizada ás 19:40
O instituto santiagués Xelmírez II, no que impartiu clase Xela Arias, sumouse este martes ás homenaxes que a sociedade galega rende á protagonista do Día das Letras Galegas 2021, celebrado o pasado luns.
Este martes tivo lugar a inauguración da xornada organizada polo instituto compostelán, onde a escritora traballou no curso 1999-2000.
O programa de actividades do centro inclúe unha conferencia a cargo de María Xesús Nogueira, biógrafa de Xela Arias e editora do volume que recompila a obra poética completa da autora sarriá.
Ademais, o instituto tamén organiza actividades que van desde a elaboración de videopoemas que serán proxectados en zonas comúns do centro na representación do espectáculo escénico 'Vencerse é cousa de se tratar'.
Esta proposta recupera, desde unha formulación que axunta música e poesía baixo a dirección de Avelino González e coas interpretacións de Fernando Abreu, Pablo Carreira e Mónica de Nut, o proxecto 'Intempériome', última obra publicada en vida de Xela Arias, que non puido materializar o seu desexo de levala aos escenarios.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.