Por E.P. | SANTIAGO DE COMPOSTELA | 18/06/2021 | Actualizada ás 18:59
A veda de centolla comeza este sábado, 19 de xuño, nas provincias da Coruña e Pontevedra, nunha prohibición que se estenderá ata o 6 de novembro --incluído--.
Pola súa banda, na provincia de Lugo a prohibición de capturas comezará o 26 de xuño e permanecerá vixente ata o 27 de novembro --incluído--.
No caso do boi, o período de veda en toda Galicia será do 28 de agosto ao 6 de novembro, ambos os días incluídos, segundo figura no plan de xestión de ambas as especies publicado este venres polo Diario Oficial de Galicia (DOG).
Esta campaña 2021-2022 establece vedas diferenciadas entre centolla e boi, nuns períodos nos que queda expresamente prohibida a captura destas especies para todas as embarcacións por medio de calquera arte en Galicia.
De feito, as embarcacións dedicadas á captura da centolla e o boi con nasas deberá retiralas e levalas a porto, segundo estipula a Consellería do Mar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.