Galicia ten case un millón de persoas completamente vacinadas

Supera o 41,7% da poboación con pauta completa contra Covid.

Por Europa Press / Redacción | Santiago de Compostela | 21/06/2021 | Actualizada ás 11:51

Comparte esta noticia

O proceso de vacinación en Galicia contra a Covid-19 avanza con máis do 41,79 por cento da poboación con pauta completa no inicio deste verán, ao alcanzar as 987.549 persoas co proceso finalizado, que supoñen 7.994 máis que a xornada anterior.

Así se desprende dos datos actualizados na mañá deste luns pola Consellería de Sanidade con rexistros ata o peche da xornada de vacinación do domingo, recollidos por Europa Press, que indican que se administraron 2.427.460 doses --8.010 máis que a xornada anterior--, o 95,78% das 2.534.355 recibidas ata a data.

Diso dedúcese que a xornada de vacinación deste pasado domingo centrouse en administrar segundas doses e completar pautas no conxunto de Galicia.

GRUPOS DE IDADE

Por grupos de idade, ata a data 130.973 persoas maiores de 85 anos recibiron polo menos unha dose --sen cambios--; 95.880 de 80 a 84 anos; 133.862 de 75 a 79 anos; 152.205 de 70 a 74 anos; 153.556 de 65 a 69 anos; 172.951 de 60 a 64 anos (+1); 180.984 de 55 a 59 anos (+327) e 187.950 de 50 a 54 anos.

Deste xeito, ata a data administrouse polo menos unha picada a 1.208.361 persoas maiores de 50 anos en Galicia, que supoñen un 94,63% dos galegos a vacinar a partir desa idade.

A estas engádense 194.010 persoas de 45 a 49 anos (+10) e 53.984 de 40 a 44 anos. Así, ata a data foron vacinadas 247.994 persoas de 40 a 49 anos, un 55,98% duns 443.000 cidadáns deste grupo de idade. Así mesmo, foron vacinadas 21.863 persoas de 35 a 39 anos; 17.632 de 30 a 34 anos (+1); 14.141 de 25 a 29 anos; 7.612 de 20 a 24 anos; 805 de 15 a 19 anos e 12 de 10 a 14 anos --sen cambios--.

Por tanto, 1.518.420 persoas recibiron polo menos unha dose da vacina no conxunto de Galicia, o que supón o 64,26 por cento da poboación a vacinar na Comunidade galega.

Indicacións para o punto de vacinación nun hospital / M. Dylan - Europa Press / Europa Press
Indicacións para o punto de vacinación nun hospital / M. Dylan - Europa Press / Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta