Por E.P. | Santiago de Compostela | 02/07/2021 | Actualizada ás 18:54
Dous sindicalistas da CIG denunciados por Cafeterías Herculinas (Central Park, Roots e Eme Taberna Contemporánea) foron absoltos por incomparecencia da acusación, segundo informa a propia central nacionalista.
A CIG concentrouse este venres ante os xulgados da Coruña en solidariedade co compañeiro e a compañeira aos que os empresarios de Cafeterías Herculinas denunciaron, segundo critica, "por exercer os dereitos fundamentais de liberdade sindical e reunión".
A central enmarca o proceso no conflito laboral aberto por mor das reclamacións do persoal para que se recoñecesen os seus dereitos e o despedimento dunha traballadora de Eme Taberna Contemporánea, un dos establecementos da compañía.
Con esta actuación, a CIG entende que os empresarios buscaban limitar o exercicio dos dereitos fundamentais e "amedrentar ao persoal".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.