Ferida unha persoa alcanzada polo seu propio vehículo en Oroso

Unha persoa resultou ferida, sobre as 17,15 horas deste luns no concello coruñés de Oroso ao ser alcanzada polo seu propio coche, segundo informa o 112.

O 112 Galicia foi coñecedor dos feitos mediante a chamada de urxencias médicas que informou dunha persoa alcanzada polo seu propio vehículo, ao estar este sen o freo de man accionado, e quedar baixo o mesmo.

Unha vez recollidos os datos, os operadores do 112 déronlle o aviso aos Bombeiros de Ordes e de Santiago, á Policía Local de Oroso e a Protección Civil.

Segundo a información facilitada ao 112 Galicia pola patrulla da Policía Local, a persoa non estaba atrapada e xa estaba a ambulancia no lugar dos feitos.

Ambulancia do 061 | Fonte: 061-GALICIA - Arquivo.