O corpo achado na praia As Lapas correspóndese ao dun home desaparecido en xullo
Luís Enrique Insua Hermida desapareceu o pasado día 27 na Coruña.
Por Europa Press / Redacción | A CORUÑA | 23/08/2021 | Actualizada ás 19:35
O corpo achado na praia coruñesa das Lapas na noite do pasado xoves correspóndese ao de Luís Enrique Insua Hermida, un coruñés de 56 anos desaparecido o pasado 27 de xullo na Coruña.
SOS Desaparecidos confirmou a localización sen vida do home, cuxa ausencia foi denunciada pola súa irmá. Previamente, a familia xa formalizara denuncia á Policía Nacional.
Posteriormente, buscouse pola zona na que adoitaba pescar xa que se cría que saíra a facer esa actividade cando desapareceu. De feito, no seu momento, efectivos de Policía Nacional e Protección Civil rastrexaron a zona de costa á que adoitaba ir pescar.
Agora, fontes consultadas por Europa Press, confirmaron que, tras as probas de ADN, o corpo localizado na praia coruñesa correspóndese a este veciño da Coruña.
