Por Europa Press / Redacción | SANTIAGO DE COMPOSTELA | 25/08/2021 | Actualizada ás 14:40
Os casos de covid-19 nas residencias de maiores de Galicia descenderon ata os 111, tras negativizarse dúas infeccións no centro de Ribadeo e catro no Val de Monterrei. A estes seis negativos, súmase o falecemento dunha usuaria, de 93 anos, da residencia García Irmáns de Betanzos.
Así, o balance facilitado polo Sergas indica que quedan activos 72 casos da residencia As Gándaras, 27 positivos na residencia García Irmáns de Betanzos, cinco na residencia Santa Marta de Vigo, tres na residencia Soremay de Pontevedra, un caso en Santo Estevo de Perlío en Fene, outro na residencia DomusVi Matogrande da Coruña, un máis no centro de maiores de Ribadeo e outro na residencia Val de Monterrei.
CENTROS DE DISCAPACIDADE
Con respecto aos centros de discapacidade, o número de total de usuarios contaxiados mantense en 51, con 48 usuarios contaxiados no Centro de Atención a Persoas con Discapacidade (CAPD) de Chapela-Redondela, e outro tres usuarios no Fogar e Clínica San Rafael de Vigo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.