Morren dous homes que foran diagnosticados con COVID

A Consellería de Sanidade notificou dous falecidos máis covid en Galicia nas últimas horas. Deste xeito, o total de vítimas desde o inicio da pandemia elévase a 2.592.

Os dous defuntos son dous homes que contaban con patoloxías previas. Ambas as defuncións producíronse o pasado luns, 6 de setembro.

En concreto, un dos homes, de 65 anos, faleceu no Chuac da Coruña. O outro, de 79 anos, feneceu na residencia de maiores das Gándaras, en Lugo.

Dúas traballadoras do centro conversan no exterior da residencia das Gándaras, a maior de Lugo, despois de contabilizar un total de 49 positivos, a 17 de agosto de 2021, en Lugo, Galicia (España).. Carlos Castro - Europa Press | Fonte: Europa Press