O presidente do PP municipal de Pontevedra admite que "a prórroga de Ence está mal dada"

"Máis claro non podo ser", engadiu Rafa Domínguez, que con todo insistiu en sinalar ao alcalde de Pontevedra, Miguel Anxo Fernández Lores (BNG), como o "máximo responsable" de que o proxecto industrial de Ence na cidade estea "morto".

Por Europa Press / Redacción | PONTEVEDRA | 14/09/2021 | Actualizada ás 19:18

Comparte esta noticia

O presidente local do PP de Pontevedra, Rafa Domínguez, recoñeceu este martes que a prórroga concedida a Ence por parte o Goberno de Mariano Rajoy, para manter a fábrica no seu actual emprazamento en Lourizán, "está mal dada" e así o avala a súa anulación por parte da Audiencia Nacional.

"Se a prórroga estivese ben feita non tería unha sentenza en contra", sinalou o mandatario local do PP. "A prórroga está mal dada, claro que si. Todos os que fixeron no Partido Popular esa prórroga fixérono mal", afirmou.

"Máis claro non podo ser", engadiu Domínguez, que con todo insistiu en sinalar ao alcalde de Pontevedra, Miguel Anxo Fernández Lores (BNG), como o "máximo responsable" de que o proxecto industrial de Ence na cidade estea "morto".

En concreto, argumentou que a sentenza está "motivada" polo recurso presentado polo Concello e, por iso, sen el "cincocentas familias non se irían ao paro" co peche da fábrica. Domínguez considerou, no entanto, que "se hai vontade política" pódese buscar "unha fórmula político-xurídica" para amparar a continuidade da factoría pasteira na Ría creando un "marco legal".

En caso contrario, entende que será a cidade de Pontevedra "a que perda" porque considera que "a fábrica se pechará e non se van a recuperar os terreos", como se está vendo con "o caso de Elnosa". Rafa Domínguez tamén se apuntou ae as declaracións do presidente da Xunta, Alberto Núñez Feijóo, nas que abría a porta á instalación dunha segunda pasteira en Galicia.

"Parece que é unha contradición", considerou, posto que o propio PP defende que o traslado de Ence non é posible ao carecer Galicia de terreos adecuados para construír unha fábrica nova. "Dinme que a segunda pasteira non ten as necesidades de auga que ten Ence, pero eu non o sei", matizou.

O presidente local e portavoz municipal do Partido Popular de Pontevedra, Rafa Domínguez.. PP DE PONTEVEDRA
O presidente local e portavoz municipal do Partido Popular de Pontevedra, Rafa Domínguez.. PP DE PONTEVEDRA | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 2 comentarios

2 Riolo

Este tipo se equivocó de partido al afiliarse. ¿O es un submarino del BNG?

1 Gamela

Algo é algo, ogallá o PP dixera o mesmo da prórroga de AUDASA AP-9 ! Pero moito me temo que ENCE tivo tempo dabondo para buscar solucionar o traslado da factoría, logo de 65 anos xa está ben de encher de "merda" a Ría ! https://twitter.com/00Gamela/status... Claro que tamén leva razón en que non existe de momento proxecto algún para recuperar os terreos que deixará baleiros a Empresa Ence !