Detido un veciño de Taboadela por un roubo con forza nun bar da Mezquita

A Unidade Orgánica de Policía Xudicial da Comandancia da Garda Civil de Ourense detivo a un veciño de Taboadela polo roubo con forza na Mezquita.

Segundo informou o Instituto Armado, este mércores pasado detivo a un veciño de Taboadela de 40 anos como presunto autor dun delito de roubo con forza ocorrido o día 8 de xullo nun bar da Mezquita.

As mesmas fontes da Benemérita explicaron que o roubo ocorreu ao forzar a porta de entrada do establecemento, no que se apoderou de 600 euros da máquina rexistradora. As dilixencias instruídas foron remitidas ao Xulgado de Instrución de Celanova.

Vehículo da Policía Local en imaxe de arquivo. CONCELLO DE TUI