A participación nas oposicións do Sergas convocadas este domingo superou o 80 %

As probas da fase de oposición que se celebran esta tarde no Recinto Feiral Internacional de Silleda, para o acceso ás categorías técnico superior en dietética e do grupo técnico da función administrativa, conseguiron unha porcentaxe de participación do 70,99 %. Nesta xornada de oposicións en Silleda, pola tarde celebráronse os primeiros exames do Servizo Galego de Saúde para a categoría de técnico superior en dietética. Presentáronse 337 persoas, das 416 admitidas, conseguindo un 81,01 % de participación. Ao grupo técnico da función administrativa presentáronse 221 aspirantes, dos 370 convocados, o cal supón unha participación do 59,73 %.

En suma, ás probas desta tarde acudiron 558 persoas das 786 admitidas que optan a 16 prazas de técnico superior en dietética e as nove prazas do grupo técnico da función administrativa. Xunto coas prazas ofertadas na xornada de mañá, 121 na categoría de técnico superior en laboratorio de diagnóstico clínico, este domingo celebráronse as probas para acceder as 146 prazas do Servizo Galego de Saúde. Durante a fin de semana estaban convocadas 4.136 persoas para a realización das probas para o acceso ás sete categorías profesionais do Servizo Galego de Saúde. En total, ofértanse 236 prazas polo sistema de concurso-oposición.