Formoso propón estudar "cláusulas de reto demográfico" en contratos públicos para fixar poboación no rural

O presidente da Deputación da Coruña considera que é preciso abordar esta problemática de xeito "transversal".

Por Europa Press / Redacción | SANTIAGO DE COMPOSTELA | 16/09/2021 | Actualizada ás 18:27

Comparte esta noticia

O presidente da Deputación da Coruña, Valentín González Formoso, propuxo estudar a introdución de "clausúlas de reto demográfico" nos contratos públicos que axuden a fixar poboación no rural. Fíxoo na inauguración dun curso, no Pazo de Mariñán, en Bergondo, da Universidade Internacional Menéndez e Pelayo (UIMP) que reunirá a expertos en reto demográfico e que clausurará o sábado o ministro de Universidades, Manuel Castells, segundo informa o organismo provincial.

Na súa intervención, Formoso destacou que cláusulas sociais introducidas hai uns anos nos contratos públicos de obras e servizos permitiron avances no relativo a dereitos laborais ou de xénero e propuxo unha iniciativa similar que prime a activación do rural.

"Ao fío das melloras na conectividade, a extensión da banda ancha e o 5G dos últimos anos, sería interesante discutir o encaixe legal de incorporar claúsulas nas contratacións públicas que permitan prestar servizos desde zonas alonxadas dos centros urbanos e das áreas metropolitanas", afirmou o presidente provincial.

González Formoso considerou que aínda que por primeira vez "o reto demográfico está no foco do Goberno, é necesario abordar o problema desde unha perspectiva máis transversal".

O presidente da Deputación da Coruña, Valentín González Formoso, intervén nun curso sobre reto demográfico. MONCHO FONTES
O presidente da Deputación da Coruña, Valentín González Formoso, intervén nun curso sobre reto demográfico. MONCHO FONTES | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Gamela

Estes o único que pensan é en "contratar" debe ser o único que fan nas Deputacións ! Por se acaso Valentín le o GC deixamoslle aquí un Proxecto de Recuperación destinado a recuperar e fixar poboación no rural de Galicia https://i.gal/gam25 A última licitación de Abel Caballero en Vigo Rampas Eléctricas de Gran Via 150 metros = 4,4 Millóns / Os que veñen a traballar sonche case sempre portugueses... será porque así creamos postos de traballo ?