Temas: CANARIAS VOLCáN

A Reserva Mariñas Coruñesas ofrece a súa colaboración á Palma nas tarefas de recuperación pola erupción volcánica

Por E.P. | A Coruña | 20/09/2021 | Actualizada ás 14:32

Comparte esta noticia

A Reserva de Biosfera Mariñas Coruñesas e Terras do Mandeo trasladou o seu apoio e colaboración á da Palma --coa que está irmandada-- pola erupción do volcán en Cume Vello.

Arquivo - Irmandamento da Reserva de Mariñas Coruñesas e a da Palma
Arquivo - Irmandamento da Reserva de Mariñas Coruñesas e a da Palma | Fonte: RESERVA MARIÑAS CORUÑESAS.

O presidente, José Antonio Santiso, dirixiuse ao seu homólogo, e presidente do Cabildo, Mariano Hernández Zapata, para transmitirlle o ánimo en nome dos 17 concellos e as asociacións membros da entidade coruñesa.

A illa da Palma, co 100% do seu territorio declarado como Reserva de Biosfera, foi un punto "clave" para a candidatura das Mariñas á Unesco, lembra. En setembro de 2011, hai 10 anos, unha delegación coruñesa encabezada polo alcalde de Abegondo como presidente do GDR Mariñas-Betanzos, visitou A Palma. O encontro serviu para coñecer o funcionamento dunha reserva e perfilar a candidatura.

Agora, a Reserva coruñesa pon a disposición da da Palma os recursos que estean ao seu alcance "para colaborar nas posibles actuacións de recuperación tras a erupción ou en calquera outra cuestión necesaria".

Temas: CANARIAS VOLCáN
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta