Acusacións do PSdeG contra a Xunta de "abandonar" aos gandeiros ao "retirar" as axudas por danos do lobo
O deputado socialista Martín Seco cre que a Administración autonómica xoga "ao escapismo" e a "manipulación" sobre a regulación da caza do lobo na que, di, mantén unha "actuación irresponsable e ilegal" ao "anunciar que deixa abandonados aos gandeiros".
Por E.P. | SANTIAGO DE COMPOSTELA | 24/09/2021 | Actualizada ás 20:21
O PSdeG acusou á Xunta de "abandonar" aos gandeiros ao "retirar inxustificadamente" as axudas por danos causados polo lobo ao intepretar que coa entrada en vigor da orde que prohibe a caza destes animais salvaxes decaen os plans autonómicos.
Nun comunicado, o deputado sociliasta na Cámara galega Martín Seco instou á Xunta a "construír novos consensos" para axuntar a protección do lobo e establecer marcos de "garantías" á gandaría extensiva "desde a asunción das súas competencias".
Así, cre que a Administración autonómica xoga "ao escapismo" e a "manipulación" sobre a regulación da caza do lobo na que, di, mantén unha "actuación irresponsable e ilegal" ao "anunciar que deixa abandonados aos gandeiros".
"No canto de lavarse as mans, o Goberno galego ten que asumir as súas competencias, xestionar a especie, facilitar as reclamacións e actualizar as contías das axudas actuais, que están obsoletas, xa que non incluían o lucro cesante, tendo en conta que houbo anos que nin sequera existían e ademais esgotábanse sen cubrir a todos os afectados", manifestou Seco.
Nesta liña, apelou ao "diálogo" en aras de atopar acordas para que "todas" as administracións "involúcrense" na protección do lobo e nas compensacións polos danos producidos. Unhas tarefas que, como incidiu Seco, corresponden á Xunta, que está obrigada legalmente "a manter as ordes de axudas e xestión porque non quedan invalidadas coa nova situación".
