Abegondo, Bergondo e Carral compartirán tesoureiro dentro dun marco de colaboración
Por E.P. | Santiago de Compostela | 28/09/2021 | Actualizada ás 18:05
Os concellos de Abegondo, Bergondo e Carral compartirán tesoureiro, segundo recolle o Diario Oficial de Galicia (DOG). Será, segundo fontes municipais, dentro dun marco de colaboración e de política de aforro.
En concreto, o DOG publica o decreto polo que se aproba a agrupación voluntaria entre os concellos de Abegondo, Bergondo e Carral para o mantemento en común do posto de traballo de tesouraría.
Os tres teñen a obriga de manter un posto de tesouraría nos termos do decreto polo que se regula o réxime xurídico dos funcionarios de Administración local con habilitación de carácter nacional.
"É un servizo compartido, un exemplo de cooperación entre administracións para lograr un aforro", sinalaron fontes municipais que limitaron o acordo a esta actuación.
