Por E.P. | SANTIAGO DE COMPOSTELA | 29/09/2021 | Actualizada ás 13:13
O Sindicato de Enfermaría (Satse) reclamou ao Ministerio de Sanidade que impulse os cambios normativos necesarios para que os fisioterapeutas poidan indicar, usar e autorizar, de forma autónoma, a dispensación de medicamentos e produtos sanitarios relacionados co exercicio da súa profesión.
O Sindicato de Enfermaría subliña que os fisioterapeutas levan anos reclamando que se posibilite este importante avance para a súa profesión que resulta xusto en base á formación e coñecementos acreditados que posúen estes profesionais tras cursar os seus estudos universitarios de Grao.
Satse lembra que o Real Decreto1/2015, de 24 de xullo, polo que se aproba o texto refundido da Lei de garantías e uso racional dos medicamentos e produtos sanitarios, xa contempla, no seu artigo 79, que os fisioterapeutas poderán indicar, usar e autorizar, de forma autónoma, a dispensación de medicamentos non suxeitos a prescrición médica e de produtos sanitarios relacionados co exercicio da súa profesión, mediante orde de dispensación.
O Sindicato considera que "chegou xa o momento" de que o departamento que dirixe Carolina Darias dea un paso máis e impulse o cambio normativo correspondente para que estes profesionais tamén poidan indicar, usar e autorizar, de forma autónoma, a dispensación de medicamentos suxeitos a prescrición médica mediante a aplicación de protocolos e guías de práctica clínica e asistencial, como ocorre no caso das enfermeiras e enfermeiros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.