O BNG expón no Congreso unha declaración institucional de rexeitamento ao uso "pexorativo" de "Galicia profunda"
Néstor Rego rexistra unha batería de preguntas no Congreso coas que pretende que o Goberno se pronuncie sobre esta sentenza.
Por Europa Press / Redacción | MADRID | 27/10/2021 | Actualizada ás 11:55
O BNG busca a unanimidade do Congreso para que a Cámara Baixa rexeite, a través dunha declaración institucional, o uso "pexorativo" da expresión "Galicia profunda" utilizado recentemente unha xuíza de Marbella nun auto.
Así o anunciou o deputado nacionalista Néstor Rego, quen lembrou que este martes o Parlamento galego aprobou xa un texto contra "os enormes prexuízos e estereotipos" esgrimidos pola xuíza María Belén Ureña Carazo, outorgou de forma cautelar a garda e custodia dun neno de 13 meses ao pai nun fallo no que se reprochaba á nai unha actitude "deplorable" ao levar ao menor a un pobo da "Galicia profunda".
Segundo argumentaba, Marbella, onde reside o pai do pequeno, "ofrece múltiples posibilidades para o adecuado desenvolvemento da personalidade dun neno e para que creza nun ambiente feliz", fronte á "pequenísima poboación na Galicia profunda" onde vive a nai, que está "lonxe de todo".
ESO É "GALEGOGOBIA E CLASISMO"
En rolda de prensa desde o Congreso, o representante do BNG non quixo entrar no fondo da cuestión, pero si criticou a utilización "pexorativa" do concepto da "Galicia profunda" que, ao seu xuízo, desprende "galegofobia e clasismo", ademais de "unha potencial vulneración de dereitos dunha persoa".
É por iso que o BNG rexistrou unha batería de preguntas no Congreso coas que pretende que o Goberno se pronuncie sobre esta sentenza, explique que vai facer para garantir que ningún cidadán sexa discriminado en función do seu lugar de residencia e especifique se vai facer algunha xestión ante o Consello Xeral do Poder Xudicial (CGPJ) para que este tipo de argumentos non poidan ser utilizados en resolucións xudiciais.
Pero, ademais, e en liña co aprobado este martes polo PP, o BNG e o PSdeG no Parlamento galego, Rego avanzou que fará chegar a todos os grupos do Congreso unha proposta de declaración institucional de rexeitamento ao uso da expresión a "Galicia profunda" polo que ten de "ofensiva", non só xa para a súa comunidade senón para os cidadáns que viven en zonas rurais, e por "a súa potencial utilización na violación de dereitos de persoas".
