Xulgan ao acusado de abusar sexualmente da súa filla, que padece unha minusvalía psíquica, durante carro anos
Piden 11 anos de presión e o pago de 30.000 euros de indemnización.
Por Europa Press / Redacción | SANTIAGO DE COMPOSTELA | 13/11/2021 | Actualizada ás 17:10
Un home enfróntase a unha pena de once anos de prisión e ao pago de 30.000 euros de indemnización acusado de abusar sexualmente da súa filla, menor de idade e que presenta unha minusvalía psíquica, no seu domicilio en Ribeira. O xuízo celebrarase a próxima semana a porta pechada na sección sexta da Audiencia Provincial con sede en Santiago de Compostela, en concreto o 17 e o 18 de novembro.
Segundo o escrito da Fiscalía, a filla, cunha minusvalía psíquica recoñecida do 36%, residiu cos seus avós ata os 12 anos de idade, momento no que pasou a convivir cos seus pais, un matrimonio con domicilio en Ribeira.
No transcurso desta convivencia, a menor recibiu abusos por parte do seu pai desde os 12 ata os 16 anos, ata a retirada da custodia aos seus proxenitores en novembro dese ano e cando estaba a piques de cumprir os 17 anos.
Segundo o relato do fiscal, o acusado aproveitaba as tardes, cando a súa parella traballaba fóra de casa e a menor non tiña clase, para practicarlle tocamentos e abusar dela no domicilio, chegando a dicirlle que o facía para medirlle a temperatura ou curarlle a dor de barriga.
O escrito indica que a menor experimentaba pesadelos constantemente co seu pai e sufría de retraimiento e illamento con relación aos demais nenos da súa idade. A menor foi declarada en desamparo en novembro de 2016 e atribuíuse a custodia provisional á súa tía materna, confirmada nunha resolución xudicial o ano seguinte.
