Por Europa Press / Redacción | SANTIAGO DE COMPOSTELA | 18/11/2021 | Actualizada ás 17:40
Os profesionais do Punto de Atención Continuada (PAC) da área sanitaria de Pontevedra protestaron de xeonllos ás portas do hospital provincial para denunciar as "condicións de traballo extremas e horarios imposibles" nos que desenvolven a súa actividade.
A protesta reuniu a traballadores do PAC da Parda (Pontevedra), Marín, Bueu, Caldas de Reis, Baltar (Sanxenxo), Terra de Montes (Cerdedo-Cotobade) Vilagarcía, Cambados e O Grove.
Todos eles reclamaron aos responsables do Servizo Galego de Saúde (Sergas) que se abran a negociar unha mellora nas condicións laborais. "Ao final facémoslles tanta falta como eles a nós", destacou a médica na PAC de Bueu, Irene Pardo.
Así, o facultativo que exerceu de portavoz na protesta advertiu que os profesionais descartan convocar unha folga como medida de presión porque os servizos mínimos que establecería a administración serían "do cento por cento" do persoal. En todo caso, ven preciso que o Sergas acorde desistir na implantación de novas condicións na área santiaria que, din, lles resulta "imposible" de aceptar.
Pardo sinalou que a dirección da área ten a intención de que os propios profesionais se encarguen de "buscar" aos seus substitutos no calendario e se fixesen cargo de "as ausencias previstas ou imprevistas" dos compañeiros. Ademais, sosteñen que o calendario presentado "incumpre a normativa" que regula as súas condicións laborais.
Así, o médico puxo como exemplo das carencias o que acontece co seu posto na PAC de Bueu, onde, ao ao ser a única médica por quenda, "non" pode permitirse unha ausencia xustificada, por enfermidade ou pola morte dun parente próximo, porque non hai previsión de cubrir unha posible incidencia deste tipo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.