A alcaldesa da Coruña resalta os vínculos de Marta Ortega coa cidade e a área metropolitana

A alcaldesa da Coruña, Inés Rey, destacou a vinculación de Marta Ortega coa cidade, ao ser preguntada pola súa designación como presidenta de Inditex, cargo que asumirá o 1 de abril.

De "substitución xeracional lóxica" cualificou a rexedora a noticia, ao ser preguntada polos xornalistas coincidindo cunha comparecencia ante os medios para informar de asuntos locais.

"Deséxolle éxitos e acertos na súa nova etapa", dixo tamén, destacando o "valor" do grupo de Inditex tanto para a cidade como para a área metropolitana.

A filla de Amancio Ortega, Marta Ortega Pérez (2i), durante a Xunta Xeral de Accionistas de Inditex 2019 na sede central de Arteixo (A Coruña).. M. Dylan - Europa Press