Por E.P. | OURENSE | 05/12/2021 | Actualizada ás 20:06
A Deputación de Ourense adhírese a unha proposta da Xunta para incrementar en 16 o número de efectivos dos grupos de emerxencias supramunicipais (GES) e "mellorar a cobertura" destes servizos. Segundo informa o goberno de Manuel Baltar, a ourensá será "a única administración provincial que decidiu unirse" a este proxecto a nivel autonómico.
De feito, esta "alianza estratéxica" permitirá que os GES de Ourense conten "con 16 novos efectivos" en Lobios, Muíños, Laza, Ribadavia e Avión. Ademais, poderase "mellorar o financiamento do servizo municipal da Mancomunidade Terra de Celanova e as condicións salariais" destes grupos de emerxencias, tal e como explicou o vicepresidente terceiro da Deputación, Plácido Álvarez.
"A nosa provincia poderá gozar das melloras nas condicións dos efectivos dos servizos de emerxencias porque xa, na anterior reunión, a Deputación de Ourense aceptou estas novas medidas propostas pola Xunta", subliñou.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.