Rescatan o corpo dunha persoa tras precipitarse un coche nun río en Dumbría

Os servizos de emerxencía rescataron na tarde deste domingo o corpo dunha persoa nun coche que se precipitou nun río en Olveiroa, no concello de Dumbría. 

Ocorreu na estrada DP-3404, na parroquia de Oliveiroa. Segundo fontes consultadas por Galicia Confidencial, o accidente tivo lugar sobre as 18.00 horas e os servizos de emerxencia non descartan que puidera haber máis persoas no vehículo. Polo momento rescatouse o corpo dunha persoa.

Seguidamente, o persoal da central de emerxencias solicitou a intervención da Garda Civil de Tráfico e dos bombeiros de Cee. Unha vez estes últimos chegaron ata onde estaba o coche, conseguiron excarcerar á vítima, aínda que non se puido facer nada por salvarlle a vida.

Así mesmo, os bombeiros sinalaron ao 112 que o vehículo estaba cheo de auga.