O legado de Camilo José Cela percorre as cidades galegas no 20 aniversario da súa morte
Varias iniciativas presenten enxalzar e achegar á cidadanía o labor do escritor nado en Iria Flavia.
Por E.P. | SANTIAGO DE COMPOSTELA | 30/12/2021 | Actualizada ás 17:35
Unha exposición itinerante percorrerá varias localidades galegas para rememorar o legado do escritor Camilo José Cela no 20 aniversario do seu falecemento. A iniciativa, que pretende enxalzar e achegar á cidadanía o legado do gañador do Premio Nobel de Literatura no ano 1989, recibiu luz verde por parte do Padroado da Fundación Cela.
Reunido este xoves co conselleiro de Cultura, Román Rodríguez, á cabeza; o padroado aprobou a posta en marcha de varias iniciativas en memoria do escritor nado en Iria Flavia, Padrón, de cuxa morte se cumprirán 20 anos en 2022. Así, a fundación organizará unha exposición que percorrerá as principais cidades galegas, así como distintos actos para celebrar o 80 aniversario da publicación dunha das principais obras do autor, 'A familia de Pascual Duarte'.
Así mesmo, en 2022 botará a andar o proceso de rehabilitación e musealización da locomotora coñecida como 'Sarita'. A peza atópase no Museo do Ferrocarril que está integrado no Museo Camilo José Cela e será restaurada para que convertela en museo e situala no exterior do espazo.
