Case seis millóns de euros para renovar a autovía entre Santiago e Brión
As obras concentraranse na mellora do firme da estrada.
Por E.P. | SANTIAGO DE COMPOSTELA | 08/01/2022 | Actualizada ás 18:41
O firme da autovía AG-56, que une as localidades de Santiago e Brión, e da variante das Galanas será renovado a través dun investimento de 5,8 millóns de euros. O proxecto, que tamén comprende a variante das Galanas, recibiu luz verde por parte da Xunta, titular da infraestrutura.
As obras comezarán na primavera e o orzamento da actuación será asumido pola concesionaria da autovía no marco do seu contrato, segundo sinala a Xunta nun comunicado. Estes traballos prevense en toda a lonxitude da infraestrutura viaria. Efectuarase o fresado da capa de rodaxe actual e a reposición dunha nova capa que non será a definitiva, senón unha intermedia.
Unha vez cumprido este paso, realizarase unha avaliación estrutural das zonas que sigan presentando fisuras e neses puntos acometeranse rehabilitacións estruturais profundas do firme.
