Por Europa Press / Redacción | SANTIAGO DE COMPOSTELA | 11/01/2022 | Actualizada ás 20:33
A vicepresidenta segunda e ministra de Traballo e Economía Social, Yolanda Díaz, mostrou este martes o seu apoio a Tanxugueiras e á súa canción 'Terra' para representar a España no Festival de Eurovisión de 2022, que se celebrará en maio na cidade italiana de Turín.
Nunha entrevista na Cadena Ser, recollida por Europa Press, confirmou que apoia ao grupo galego "por razóns evidentes". "O primeiro, porque son unhas mozas maravillosísimas que creo que están a revolucionar todo", dixo.
Ademais, Yolanda Díaz destacou "a reflexión" que achega a súa canción para o Benidorm Fest: "Nun mundo que é estupendo, a pesar dos leceres que algúns nos queren facer ver, pois ten que ver coas nosas diferentes culturas e linguas".
Seguidamente, a vicepresidenta segunda do Goberno, de orixe ferrolá, asegurou que sente "moi identificada" a mensaxe de 'Terra'. "En Galicia sempre dicía que era transfronteiriza e elas falan de que non teñamos fronteiras", explicou.
Por todo iso, aínda que dixo que tamén lle gusta a candidatura de Rigoberta Bandini para Eurovisión, Díaz decidiu exercer de galega "absolutamente". "E entrégome a Tanxugueiras", insistiu.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.