O Concello da Coruña crea actividades de educación ambiental para máis de 5.000 estudantes

Máis de 5.000 estudantes participarán nas actividades organizadas polo Concello da Coruña con motivo do Día Mundial da Educación Ambiental, segundo informa o consistorio.

Con motivo desta conmemoración, organizará charlas, visitas e talleres para os centros educativos e os colectivos da cidade, actuacións nas praias e cursos para todos os públicos.

As actividades desenvolveranse nas aulas, nos centros cívicos, bibliotecas, asociacións veciñais, eco hortas, espazos abertos da cidade e en espazos naturais dentro e fóra do municipio.

Un total de 34 centros educativos da cidade e máis de 5.000 alumnos participarán neste programa durante a súa xornada lectiva. No caso dos colectivos, adaptarase a proposta as necesidades singulares de cada un.

A alcaldesa da Coruña, Inés Rey | Fonte: Concello da Coruña.