A Xunta insta ao Goberno a "reflexionar" para non ter que recorrer a lei de vivenda
O Executivo galego habilita axudas de ata 15.000 euros para comprar vivenda en centro histórico.
Por Europa Press / Redacción | SANTIAGO DE COMPOSTELA | 28/01/2022 | Actualizada ás 18:56
A conselleira de Medio Ambiente, Territorio e Vivenda, Ángeles Vázquez, asegurou que a Xunta espera "unha reflexión" por parte do Goberno central que evite ter que recorrer a lei de vivenda. En declaracións aos medios, lembrou que a Comunidade realizou alegacións no seu día a este proxecto "na mesma liña do que agora, con tanta contundencia", ratifica o ditame do Consello Xeral do Poder Xudicial (CGPJ).
"A máxima é a invasión de competencias, competencias que están atribuídas polo Tribunal Constitucional a Galicia e ao resto de Comunidade. Non podemos permitir que iso deixe de ser así", esgrimiu, antes de engadir que o Executivo autonómico espera "unha reflexión" do Goberno.
"Isto é un capricho de Podemos consentido polo PSOE que non beneficia a ninguén, que vai supor unha parálise para as comunidades e inseguridade para os propietarios ou quen quere adquirir unha vivenda. É ilóxico", agregou. "O peor", continuou a conselleira, é que é unha norma "engorrosa e contraditoria". "Se se continúa adiante o único que vai provocar é que as comunidades esteamos a recorrer", aseverou, para engadir que isto "non ten tan sentido" no marco dunha pandemia e "falando dun tema tan serio como a vivenda".
Finalmente, volveu ha lamentar unha situación da que, dixo, Galicia xa advertira, para engadir que tras a citación para a comisión sectorial do 2, a Xunta volverá insistir na necesidade de alcanzar "un texto consensuado", por ser "o mellor" para Galicia e o resto de comunidades.
VIVENDA EN CENTRO HISTÓRICO
Durante a visita que realizou a un inmoble de Ourense no que se concedeu unha axuda no ano 2021, Vázquez informou de que a Xunta ofrece achegas de ata 15.000 euros para adquirir unha vivenda nos centros históricos da Comunidade.
Ángeles Vázquez subliñou que o Diario Oficial de Galicia publica este venres a convocatoria de 2022, dotada con medio millón de euros, coa que se espera conseguir os bos resultados de 2021, que se pechou coa concesión de 65 axudas para facilitar a compra de vivenda a outras tantas familias en 21 concellos galegos e das cales un 41,5% concedéronse a mozos menores de 35 anos.
