Formoso pide "facilitar a tramitación dos parques eólicos" para baixar o prezo da electricidade

O secretario xeral do PSdeG apuntouno así en relación ás dificultades enerxéticas de Alcoa San Cibrao.

Por Europa Press / Redacción | SANTIAGO DE COMPOSTELA | 02/02/2022 | Actualizada ás 14:32

Comparte esta noticia

O secretario xeral do PSdeG, Valentín González Formoso, emprazou ao presidente do Goberno galego, Alberto Núñez Feijóo, a "facilitar a tramitación de todos os parques eólicos que sexan necesarios para que o prezo da enerxía sexa competitivo" para a planta de Alcoa en San Cibrao.

O líder dos socialistas galegos pronunciouse deste xeito tras manter en Cervo un encontro co comité de empresa da factoría. Na súa intervención, da que informou o PSdeG, acusou Feijóo de ir "a San Cibrao a meter medo a toda unha comarca" e "pór en dúbida o traballo enorme dos representantes dos traballadores" da planta de aluminio.

O responsable socialista esixiulle ao presidente da Xunta que acuda a "mostrar un camiño de luz e esperanza" e emprazou a todas as administracións implicadas a que "poñan toda a carne no asador" para "acompañar no proceso" e que "a posta en marcha das cubas sexa unha realidade". Ademais, Formoso ratificou o apoio do PSdeG "ao completo e a toda unha comarca que ten que volver producir aluminio primario", unha necesidade "estratéxica para Galicia e para todo o país".

O xefe de filas dos socialistas galegos desprazouse ata Cervo, onde mantivo unha reunión co comité de empresa da planta de Alcoa para "coñecer ao detalle o seguimento do acordo formado coa compañía". Na reunión tamén estiveron presentes a parlamentaria autonómica Patricia Otero e o secretario de Industria do PSdeG e alcalde de Ferrol, Ángel Mato.

O secretario xeral do PSdeG, Valentín González Formoso, reúnese con colectivos de médicos.. PSDEG
O secretario xeral do PSdeG, Valentín González Formoso, reúnese con colectivos de médicos.. PSDEG

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta