Por E.P. | Santiago de Compostela | 24/02/2022 | Actualizada ás 12:34
O número de hipotecas constituídas sobre vivendas inscritas nos rexistros da propiedade de Galicia situouse en 14.212 en 2021, o que supón un 23,2% máis que o ano anterior, segundo os datos que publica este xoves o Instituto Nacional de Estatística (INE). Esta alza sitúase na media estataL, do 23,6%, e supón recuperar o ritmo en positivo tras as baixadas de 2019 e 2020, que romperon unha serie de catro anualidades á alza.
Por capital prestado, foron 1.530.222 millóns en 2021, un 30% máis que o ano anterior. Este incremento deuse por encima da media estatal, que foi do 26,5%. Pola súa banda, en 2021 houbo 20.676 hipotecas concedidas sobre leiras --607 das cales son rústicas-- por 2.225.051 millóns de euros.
A nivel estatal, o número de hipotecas constituídas sobre vivendas disparouse un 23,6% en 2021 respecto ao ano anterior, ata sumar 417.501, a súa cifra máis alta desde 2010, cando os préstamos para vivendas alcanzaron os 607.535. Con este repunte en 2021, a firma de hipotecas sobre vivendas volve aos ascensos despois da caída do 6,5% que rexistrou en 2020, ano marcado polo inicio da pandemia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.