Por E.P. | OURENSE | 14/03/2022 | Actualizada ás 16:36
Axentes do Grupo de Investigación da Unidade de Policía Autonómica de Ourense esclareceron as causas dun incendio forestal que tivo lugar no concello ourensán de Vilamarín o pasado 27 de febreiro.
Segundo informou a Xunta, o lume iniciouse no lugar de Readegos, na parroquia de Razamonde, e afectou 0,03 hectáreas de terreo.
No transcurso da investigación, tomouse declaración a unha muller como presunta responsable do lume, xa que estaba a realizar unha queima sen as debidas medidas de seguridade, o que provocou que as chamas se propagasen á leira lindeira. Na extinción do incendio actuou un axente, unha brigada e unha motobomba.
Nesta campaña antiincendios forestais do 2022, un total de 10 persoas foron detidas ou investigadas pola Policía Autonómica como presuntas autoras de incendios forestais.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.