Por E.P. | SANTIAGO DE COMPOSTELA | 24/03/2022 | Actualizada ás 20:47
A situación de crise cando se cumpre un mes da invasión de Rusia en Ucraína sumado ao paro do transporte que xa excede o dez días elevou a solicitude de Expedientes de Regulación Temporal de Emprego (ERTE) en Galicia, que segundo os últimos datos xa alcanzaban os 68 a mércores 23 de marzo, e agora vénselle de sumar, polo menos, o da madeireira Finsa.
Fontes do comité de empresa confirmaron que se alcanzou un acordo este xoves para un ERTE descontinuo, que afectará a máis de mil persoas de catro factorías en Galicia --Rábade, Ourense, Santiago e Padrón--, das liñas de fabricación. A solicitude é ata o próximo 30 de abril e afectará os cinco quendas de traballo.
O acordo subscrito contempla compensacións económicas ata o 90 por cento do salario e non penaliza vacacións, nin pagas extra nin a xubilación. A madeireira buscou nos últimos días paliar a falta de materia prima con intercambio de materiais entre fábricas e foi, de feito, unha das empresas que recibiu escolta das forzas e corpos de seguridade.
Segundo os datos globais da Delegación do Goberno en Galicia facilitados a Europa Press, no que vai de paro do transporte leváronse a cabo un total de 2.639 escoltas a vehículos, que incluíron empresas de distintos sectores.
O ERTE de Finsa súmase a outros como o iniciado no Grupo Ingapan nas últimas horas, tamén debido á falta de subministracións para a realización de masas de pan. As dificultades repítense noutros sectores como o cárnico, en que empresas de exportación seguen traballando co material e almacenando nos seus conxeladores, pero con dificultades para facelos chegar aos colectores dos portos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.