Agustín Hernández xa pivota o cambio do PP en Santiago

A dirección da Coruña nomea ao aínda conselleiro coma presidente da xestora en Santiago.

Por Galicia Confidencial | Compostela | 17/06/2014 | Actualizada ás 09:00

A dirección do PPdeG quere que Agustín Hernández colla canto antes o timón do PP en Santiago. Por iso, e antes de que sexa designado rexedor, o Comité Executivo Provincial do PP na Coruña nomeouno este luns como presidente da nova xestora do partido na capital galega en substitución de Ángel Currás, quen a semana pasada puxo o seu cargo a disposición do comité local.

No seu equipo estará xente da súa confianza e da dirección e tamén Reyes Leis, afín a Currás. Así, a xestora está formada pola vocais Marta González, Pedro Puy Fraga, María Jesús Sainz García, Rosa Quintana Carballo, Javier Ruiz de Cortázar, Jesús Gamallo Onte, Marta Álvarez Montes, Pepa Castro, Alejandro Sánchez Brunete, Ana Rodríguez Morandeira, Gerardo Fernández Albor, Reyes Leis, Manuel Silva e David Sánchez Carro.

Esta decisión prodúcese logo de saber que Hernández terá que contar no seu novo equipo ao aínda rexedor Ángel Currás, aínda que o futuro alcalde teña matizado que isto é "para facilitar a transición".

4 Mateo

Non vai ter un camiño doado.Coméntase na capital que vaise presentar outra candidatura,e tal como fixeron as cousas ao millor danlle un repaso.

3 eusi

En compostela non queremos edís non eleitos: fóra canto antes! Insubmisión ante tanta barbarie

1 si si

pois os eleitos non son melhores

2 Vergoña allea

E os votantes do Ensanche compostelán, qué? Cando van ir polo pazo de Raxoi, pucha en man, para bicar a man do seu novo señorito, que xa tardan? Se incluso é de Madrí!! :D O colaboracionismo narcoinmobiliario, os votantes cautivos, os representantes das elites extractivas --antes máis o clero, na idade contemporánea máis os avogados e o seu sistema gremial decimonónico, asemade outras profesións "liberais"-- persisten en votar a quen máis se asemella a eles pero Compostela tamén é nosa, e xa está ben de atacar aos composteláns: o Pp estivo trinta anos sen pisar Raxoi e por unha dúcia de votos xa temos á cainitada vindo por nós, cando sabe dios o que aturan eles nos seus concellos.

1 galegoexiliado

Así é a democracia impopular. Incumplen o programa electoral, desprezan e ignoran o resultado electoral, nomean a dedo a concellais e alcaldes non electos e todo o basean no dedo infalible do deus freijoy. Si o pobo compostelán decideu non votar e deixar que fose elexido Conde Roa e o seu equipo teñen que seguir gobernando os elexidos nas elecions mentras non estean na cadea ou sexan inhabilitados. CORRUPCIÓN LEGALIZACION.