Santiago Auserón actuará en Santiago o 12 de xuño
Será coa banda Juan Perro, no Auditorio de Galicia.
Por Europa Press / Redacción | Santiago de Compostela | 10/05/2022 | Actualizada ás 20:06
Santiago Auserón (Zaragoza, 1954) actuará en Santiago de Compostela coa banda de Juan Perro o 12 de xuño (20,30 horas, Auditorio de Galicia), no primeiro concerto da xira galega de 'Libertad'.
As entradas para asistir a este espectáculo custan 14 euros e xa poden comprarse de forma anticipada na plataforma Compostela Cultura, así como nos despachos de billetes da Zona C e o Auditorio.
'Libertad' é o décimo disco desde que en 1993 nacese o proxecto de Juan Perro, posterior á etapa de Auserón en Radio Futura --de 1980 a 1992--.
No marco dunha dobre cita na capital de Galicia do músico e escritor, Auserón presentará, o 11 de xuño (20,00 horas, Praza do Toural), o seu ensaio 'Arte sonora' na Semana do Libro de Compostela (Selic).
