Rodeiro adhírese ao programa de repartición de comida a domicilio para maiores que viven sós

O concello pontevedrés de Rodeiro adheriuse ao programa do Goberno galego de repartición a domicilio de comida a persoas maiores que residen soas.

A suma do concello á iniciativa 'Xantar na casa' da Xunta foi escenficada este luns cun acto no que participou a conselleira de Política Social, Fabiola García.

Deste xeito, Rodeiro incorpórase a unha rede da que forman parte un total de 195 concellos nos que se presta servizo a 1.800 persoas, 65 delas dos concellos limítrofes de Lalín, Silleda e Vila de Cruces.

En total, a Xunta destina 2 millóns de euros a este programa, orientado a prestar servizo ás persoas maiores que non viven acompañados.

A conselleira de Política Social, Fabiola García, na adhesión de Rodeiro ao programa Xantar na casa | Fonte: Xunta de Galicia.