Por Galicia Confidencial | Compostela | 09/06/2022 | Actualizada ás 21:00
O presidente da Xunta, Alfonso Rueda, destacou este xoves que, a pesar da desaparición de Casa Galicia, o maior centro da emigración galega en Uruguai, e da venda do seu hospital, "hai outros centros galegos que manteñen a galeguidade", en alusión, a outros centros emigrantes doutros países receptores de emigrantes como Arxentina.
Preguntado por GC, tras coñecerse este mércores que un dos grandes referentes sanitarios da comunidade galega en Uruguai deixou de existir e foi subastado por 15,3 millóns de dólares e adquirido por Círculo Católico, Rueda suliñou que a Xunta segue axundando e garantindo a saúde dos seus emigrantes.
FEIJÓO DEFENDEU A INTERVENCIÓN
O ex titular da Xunta, Alberto Núñez Feijóo, aseguraba hai oito meses que o confiaba na palabra do presidente uruguaio, Luis Lacalle Pou, quen defendeu a vía elixida (a intervención temporal) para evitar unir Casa de Galicia con outros centros sanitarios, algo que finalmente acabou acontecedendo.
Feijóo destacaba entón a importancia deste centro para a colectividade galega e os miles de mutualistas ligados ao mesmo, á vez que se remitiu ás palabras de Lacalle. "Casa de Galicia ten que ser Casa de Galicia", esgrimiu o presidente galego. Finalmente, Casa Galicia será Círculo Católico sen ningunha vinculación coa comunidade galega a pesar das axudas recibidas pola Xunta.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.