As novas torres de Compostela

Encomendáronlle este edificio para acoller ao servizo de bombeiros aos mesmos arquitectos aos que lles encomendaron o aeroporto de Lavacolla, pero colleu a construción no medio da crise e, talvez polos típicos desaxustes (incrementos) de orzamento, a obra está sen rematar.

Por Paisaxe Maltratada - Carlos Coto | Rianxo | 29/07/2014

Paisaxe Maltratada

Se a Administración quere impoñer respecto e cumprimento da normativa (porque a lei do solo di ben claro que as obras débense rematar en prazo), o primeiro que ten é que dar exemplo. A estrutura fica abandonada dende hai varios anos e, nin arre nin xo.

Xa que logo, o que debemos esixir neste caso é que a Administración competente remate a obra ou que se proceda á demolición, como así lle queren esixir aos particulares.

E temos que ir mudando de costumes viciosas. Os proxectos débense adxudicar por concurso, os seus orzamentos teñen que ser reais, e non deben perderse cartos polo camiño.

Carlos Coto

Nacido na Estrada, resido actualmente en Rianxo. Arquitecto dende 1988 con especialización en rehabilitación e Urbanismo. Como profesional liberal realicei edificios en Galicia, Cantabria, Euskadi, Portugal, Italia e Madrid. Ademais fun secretario técnico do COAG, arquitecto municipal de A Pobra e actualmente director da Oficina de Rehabilitación de Rianxo. Defendo o Urbanismo Sustentábel, a Ordenación Racional do Territorio, a Arquitectura Tradicional e loito contra o Maltrato da Paisaxe, do Territorio e do Patrimonio, eido, no que levo 30 anos loitando e impartindo moitas conferencias ao respecto.

Todos os artigos de Carlos Coto aquí.