CCOO logra a maioría absoluta no comité de Ence e liderará a oposición á Xustiza e á orde de saída da ría

CC OO logrou a maioría absoluta no comité de empresa de Ence, unha factoría envolta no conflito polos avatares xudiciais que obrigan á súa saída da ría, pero contra a que loitan os traballadores.

De feito, por primeira vez, lógrase esta maioría absoluta e CC OO obtén a presidencia do comité de empresa, mentres que a CIG perdeu dous delegados sindicais, segundo os datos achegados polo sindicato vencedor. Participou o 90 por cento do censo de técnicos administrativos e máis do 93 por cento dos especialistas.

Comisións conseguiu a maioría absoluta con sete representantes, fronte aos tres da CIG e os outros tres de UGT, que mantén a mesma representación.