Por E.P. | SANTIAGO DE COMPOSTELA | 23/06/2022 | Actualizada ás 17:53
O comité executivo da Cámara de Comercio da Coruña alertou de "as importantes dificultades que están a pasar as empresas contratistas coas administracións públicas en materia de obras, bens e servizos".
Por este motivo, entende que, entre as actuacións do novo programa de medidas anticrise, a aprobar polo Consello de Ministros, "deben arbitrarse medidas eficaces que permitan a revisión de prezos nos contratos administrativos coas administracións públicas".
"Esta revisión debe afectar á totalidade de custos, tanto de materias primas, subministracións, enerxía ou custos de persoal". "Só desta maneira podemos garantir a adecuada prestación por parte das empresas, sen que se xere un desequilibrio económico que pode acabar coa súa pervivencia e a dos postos de traballo que xera".
Igualmente ve con "preocupación" a situación do sector do transporte, polo que demanda medidas que garantan "o eficiente funcionamento dun sector básico na comercialización empresarial, adoptando medidas fiscais e administrativas que permitan o exercicio eficiente da actividade neste sector".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.