Por Europa Press / Redacción | LUGO | 16/07/2022 | Actualizada ás 21:16
O municipio de Ribas de Sil alcanzou este sábado ás 17,10 horas a temperatura máis alta rexistrada en Galicia, con 39,6 graos, nunha xornada na que o territorio galego segue baixo os efectos da onda de calor.
Por encima dos 39 graos rexistráronse tamén, segundo as estacións de medición de Meteogalicia, en dúas localidades da provincia de Ourense: Vilamartín de Valdeorras (39,5 graos) e Verín (39,3 graos).
En Rubiá (Ourense), o instituto meteorolóxico galego indica que se alcanzaron os 38,7 graos, e os 38,5 graos na localidade de Laza, na mesma provincia ourensá. Esta xornada, a Dirección Xeral de Emerxencias e Interior da Vicepresidencia Segunda da Xunta activou a alerta laranxa por altas temperaturas nas provincias de Lugo e Ourense.
Para este domingo, Meteogalicia mantén o aviso laranxa para varias zonas das provincias de Lugo e Ourense.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.