Un 'Diluvio' de vivencias de Tanxugueiras, así é o seu novo disco

Tanxugueiras, as pandeireteiras galegas, sacaron este venres o seu terceiro álbum: 'Diluvio'. É todo un paso pola indagación e o autocoñecemento que, segundo as cantautoras, lles fai "pechar unha etapa".

Este novo proxecto naceu durante a pandemia e trata de crenzas que viviron, sentiron ou observaron e convertéronas en aprendizaxes. "Este álbum que hoxe sae á luz é a resposta ao camiño percorrido durante os últimos meses", sinalan nun comunicado.

O seu novo traballo xa está dispoñible nas principais plataformas dixitais e na Casa do Disco, onde se atopa en físico unha edición deluxe, cun libreto ilustrado de 24 páxinas no que as cantautoras explican o significado do álbum.

En todas as súas cancións fan referencia aos sete pecados capitais e a tres máis que elas mesmas engadiron: o patriarcado, a hostilidade e a homoxeneidade. Que teñan esta temática ten que ver coas aprendizaxes que a través deles adquiriron as intérpretes.

Ademais, destaca nesta nova creación a combinación de música tradicional galega --con acompañamentos típicos como as pandeiretas ou latas de pemento-- e ritmos urbanos próximos ao trap, electrónica ou hip hop.