A Xunta adxudica por 2,5 millóns un proxecto de xestión de auga para combater o cambio climático
Por Europa Press / Redacción | SANTIAGO DE COMPOSTELA | 30/07/2022 | Actualizada ás 12:08
A Consellería de Infraestruturas e Mobilidade da Xunta, a través de Augas de Galicia, adxudicou por máis de 2,5 millóns de euros os traballos para o desenvolvemento dun sistema avanzado de xestión da auga que permita incrementar a resiliencia fronte ao cambio climático.
O proxecto concedéuselle á UTE formada polas empresas Aguatec Proxectos para o sector da auga, SAU e Prointegra Ingeniería, S.L. Esta unión terá un prazo de execución de 12 meses.
O sistema que se desenvolverá enmárcase no proxecto do Goberno galego Innovaugas 4.0, concretamente, no seu reto 2, que busca fortalecer as capacidades de preparación e adaptación ao cambio climático. Tamén tratarán de integrar variables de diferentes fontes, deseño e configuración de modelos predictivos para situacións de seca e inundación.
